Ynghylch

Mae’r slefrod môr mawr yma’n heigio mewn dyfroedd arfordirol cynnes ddiwedd y gwanwyn ac maen nhw’n cael eu golchi i’r lan ar ein traethau ni yn aml yn ystod misoedd Mai neu Fehefin, wrth eu cannoedd weithiau. Eu hoff bryd bwyd yw plancton, sydd ar gael mewn dyfroedd bas. Dyma beth sy’n achosi iddyn nhw ddod i’r lan yn aml, gan eu bod yn tanamcangyfrif eu maint. Mae ganddyn nhw wyth braich ffriliog, sy’n cynnwys eu tentaclau brathu bach sy’n amghylchynu cannoedd o gegau bach! Nid yw brath slefren fôr casgen yn niweidiol i bobl fel rheol, ond os gwelwch chi un ar y traeth, mae’n well peidio â chyffwrdd ynddi, oherwydd mae’n gallu brathu ar ôl marw.