Ynghylch

Yr ystlum lleiaf yw ein hystlum lleiaf a mwyaf cyffredin. Mae holl ystlumod y DU yn rhai nosol – gan ffafrio dod allan yn ystod y nos yn unig. Maen nhw’n bwydo ar wybed mân, gwyfynod a phryfed eraill sy’n hedfan y maen nhw’n dod o hyd iddyn nhw yn y tywyllwch gan ddefnyddio ecoleoliad. Does dim rhaid i ystlumod lleiaf fynd ymhell i chwilio am fwyd, yng nghefn gwlad neu yn y ddinas! Maen nhw’n clwydo mewn tyllau mewn coed, bocsys ystlumod ac yng ngofod y to mewn tai hyd yn oed, mewn poblogaethau bychain yn aml. Yn ystod yr haf, mae’r benywod yn ffurfio poblogaethau mamolaeth ac yn cael dim ond un ystlum bach yr un. Cadwch lygad am ystlumod lleiaf yn gwibio o’ch cwmpas yn hela am bryfed mewn gerddi neu o amgylch golau stryd ar ôl iddi fachlud. Maen nhw’n gaeafgysgu, rhwng mis Tachwedd a mis Ebrill fel rheol, ond efallai y byddant yn dod allan i fwydo ar ddyddiau cynnes.