Ynghylch

Cyflwynwyd creigafal ymledol i'r DU o Ddwyrain Asia yn y 19eg ganrif fel planhigyn gardd. Ers hynny, mae wedi tagu tirweddau gwerthfawr, gan gynnwys glaswelltiroedd calchfaen, ac wedi cael y gorau ar lawer o rywogaethau brodorol. Mae aeron creigafal yn cael eu gwasgaru'n hawdd gan adar sy'n cyfrannu at ei ddosbarthiad eang. Mae llawer o sefydliadau, gan gynnwys yr Ymddiriedolaethau Natur, wedi ymrwymo i gael gwared ar y planhigyn ymledol hwn er mwyn galluogi ein bywyd gwyllt brodorol i ffynnu.

Mae Cotoneaster horizontalis wedi’i restru yn Atodlen 9 Deddf Bywyd Gwyllt a Chefn Gwlad y DU fel rhywogaeth ymledol. Nid yw hyn yn golygu na allwch ei dyfu yn eich gardd ond rydym yn annog garddwyr i feddwl yn ofalus am ei effaith bosibl ar fywyd gwyllt ac i ystyried dewisiadau eraill.