Ynghylch

Mae’r crëyr glas i’w weld yn aml yn sefyll yn llonydd fel delw ar ei goesau hir a thenau mewn dŵr bas mewn pyllau a llynnoedd, yn aros yn amyneddgar i’w bryd bwyd nesaf nofio heibio. Mae’r adar tal yma’n treulio’r rhan fwyaf o’u hamser ar eu pen eu hunain yn bwydo yn bennaf ar bysgod, ond gall ambell dwrch daear blasus fod at eu dant weithiau! Pan mae’n teimlo’n ddiog iawn, bydd y crëyr glas yn ymweld â gerddi a phyllau am fyrbryd cyflym a hawdd. Gwnewch yn siŵr eich bod yn cadw llygad am yr adar anhygoel yma wrth iddyn nhw hedfan; gyda’u hadenydd sy’n ysgwyd yn araf a’u coesau hir yn ymestyn allan y tu ôl iddyn nhw, does dim posib eu methu!