Ynghylch

Cyfeirir at y pâl weithiau fel ‘parot y môr’ ac mae posib ei adnabod ar unwaith oddi wrth ei big llachar fel parot. Yn treulio’r gaeaf ar y môr, bob blwyddyn mae miloedd o balod yn dychwelyd i’r DU i nythu yn eu tyllau bychain yn y ddaear. Mae palod yn driw i’w gilydd, gan baru gyda’r un aderyn bob blwyddyn a chael un cyw. Mae’r cyw yma’n cadw ei rieni’n brysur yn pysgota i sicrhau ei fod yn cael digon o fwyd ac yn fodlon. Ei hoff fwyd yw llysywod y tywod ac mae’n eu dal drwy ddeifio a nofio gan ddefnyddio ei adenydd.