Ynghylch

Mae adar drycin Manaw yn perthyn i grŵp o adar sy’n cael eu hadnabod fel ‘tiwbdrwynau’, ac mae’r grŵp hefyd yn cynnwys aderyn drycin y graig, albatrosiaid enfawr a phedrynnod drycin bach. Mae aderyn drycin Manaw yn aderyn anhygoel ac mae’n hedfan am filoedd o filltiroedd er mwyn dychwelyd i’r un twll bob blwyddyn, gan nythu ar ynysoedd bychain oddi ar arfordir gorllewinol Prydain. Mae’n magu un cyw hynod fflwfflyd bob blwyddyn ac mae’r rhiant yn aros nes ei bod wedi tywyllu cyn mynd allan i bysgota. Mae cywion adar drycin Manaw yn tyfu mor fawr fel nad ydynt yn gallu gadael y nyth – ac wedyn mae’n rhaid iddynt fynd ar ddeiet er mwyn paratoi ar gyfer eu siwrnai hir i Dde America ar gyfer y gaeaf.